նախընտրելի դարձնելՄայիսի 14-ին, ժամը 05.00-ին, «ՎԱԶ-2108» մակնիշի ավտոմեքենան Բագրատունյաց փողոցում բախվել է «Միցուբիշի» մակնիշի ավտոմեքենայի: Պատահարի հետեւանքով «ՎԱԶ-2108»-ի վարորդը եւ 2 ուղեւորները մարմնական վնասվածքներով տեղափոխվել են հիվանդանոց:
Ոստիկանության լրատվության վարչությունից հայտնում են, որ նույն օրը, ժամը 09.00-ին, «Նիսսան Սանի» մակնիշի ավտոմեքենայի վարորդը Արցախի փողոցի թիվ 28 շենքի մոտ վրաերթի է ենթարկել տարեց մի կնոջ եւ նրան տեղափոխել հիվանդանոց:
Մայիսի 14-ին, ժամը 16.30-ին, BYD մակնիշի ավտոմեքենան Երեւանի Ադոնցի փողոցում բախվել է ճամփեզրին կայանված «Մերսեդես Բենց» մակնիշի ավտոմեքենայի կցորդին: Պատահարի հետեւանքով BYD-ի ուղեւորը մարմնական վնասվածքներով տեղափոխվել է հիվանդանոց:
Ժամը 17.00-ի սահմաններում, «ԳԱԶ-24» մակնիշի ավտոմեքենան Ալավերդի-Վանաձոր ճանապարհի 4-րդ կմ-ին գլորվել է ձորը: Վարորդը մարմնական վնասվածքներով տեղափոխվել է հիվանդանոց:
Բոլոր դեպքերում կատարվում է քննություն:
