նախընտրելի դարձնելՄոսկվայում ՀԱՊԿ առաջնորդների հոբելյանական գագաթնաժողովին հռչակագիր են ընդունել, որում մտահոգություն են հայտնել Իրանի շուրջ լարվածության աճով, նաեւ լուրջ մտահոգություն Սիրիայում եւ դրա շուրջ իրավիճակի զարգացմամբ: Այդ մասին հայտարարել է Ղազախստանի նախագահ Նուրսուլթան Նազարբաեւը ՀԱՊԿ ղեկավարների հանդիպումից հետո:
Հռչակագրում ասվում է, որ ՀԱՊԿ անդամները հանդես են գալիս Սիրիայում ճգնաժամի հաղթահարման օգտին, աջակցում Քոֆի Անանի ծրագրին:
ՀԱՊԿ առաջնորդները նաեւ իրենց մտահոգությունն են հայտնել Աֆղանստանում իրավիճակի վերաբերյալ:
Հանդիպման մասնակիցները որոշել են հաջորդ գագաթնաժողովն անցկացնել Մոսկվայում այս տարեվերջին:
