նախընտրելի դարձնել«Բուրանովյան տատիկները» Բաքվում, ուր ժամանել էին «Եվրատեսիլ -2012»-ին մասնակցելու համար, առաջին փորձից հետո մեծ հաջողություն են ունեցել: Լրագրողների շրջանում անցկացված հարցումները վկայում են, որ Ռուսաստանը գրավում է առաջին տեղը:
Ըստ սյուժեի, տատիկները տեղափոխվում են բեմում, որի կենտրոնում վառարան է տեղադրված: Երգի ընթացքում տատիկներից մեկը վառարանի վրա կարկանդակներ է պատրաստում, իսկ կոլորիտի համար վառարանի խողովակից ծուխ է դուրս գալիս:
Հարավաֆրիկյան Հանրապետությունից մի լրագրող այդ համույթին նվիրել է ոչ ավանդական նվեր` «Բուրանովյան տատիկներ»-ի երգն իրենց լեզվով:
Բաքու ժամանելուն պես տատիկները խոստովանեցին, որ խնդրել են իրենց տեղավորել ծովափին, քանի որ երբեք ծով չեն տեսել:
Տատիկների ինքնազգացողությունը նորմալ է: Այնտեղ, որտեղ նրանց տեղավորել են, կան բոլոր հարմարությունները: Ռուսական պատվիրակության կազմում կան բժիշկներ, որոնք հետևում են դերասանուհիների առողջությանը:
Մինչև Բաքու մեկնելը տատիկները նկարահանվել են զովացուցիչ ըմպելիքի մի քանի գովազդային տեսահոլովակներում, որպեսզի գումար վաստակեն իրենց գյուղում եկեղեցի կառուցելու համար: Ինչպես ԻՏԱՌ-ՏԱՍՍ-ին հաղորդել է խմբի մամլո-քարտուղար Սոետլանա Սիրիգինան, նրանց մասնակցությամբ այդ տեսահոլովակները արդեն սկսել են ցուցադրել հեռուստատեսությամբ:
