նախընտրելի դարձնելSukhoi Superjet-100 (SSJ-100) օդանավը նույնական օդանավով փոխարինվել է մայիսի 6-ին Պակիստանում` շարժիչներից մեկի հնարավոր խափանումների պատճառով: Այդ մասին «ՌԻԱ Նովոստիին» հաղորդել է «Սուխովի քաղաքացիական օդանավերը» ընկերության ներկայացուցիչը:
Այն մասին, որ օդանավը ցուցադրական թռիչքի ժամանակ փոխարինվել է, մայիսի 14-ին հայտնել էր «Մոսկովսկի կոմսոմոլեցը»:
Ընկերության ներկայացուցչի խոսքով` սկզբնապես ասիական 6 երկրներով SSJ-100-ի ցուցադրական թռիչքներին երկու օդանավ են նախապատրաստել`97005 համարինը` իբրեւ հիմնական եւ 97004-ը` պահեստային:
«Ղազախստանից Պակիստան 97005 համարի SSJ-100-ով թռչելիս շարժիչի աշխատանքում թերացումներ են նկատվել»,-ասել է ընկերության ներկայացուցիչը: Այդ կապակցությամբ էլ որոշում է կայացվել փոխարինել օդանավը. մայիսի 6-ին Ժուկովսկիից Կարաչի է ժամանել 97004 օդանավը:
Ընկերության ներկայացուցիչն ընդգծել է, որ 97005 օդանավի հնարավոր խափանումները ոչ մի կապ չունեն 97004 համարի օդանավի վթարի հետ:
Միաժամանակ, հիշեցնենք, «Մոսկովսկի կոմսոմոլեց» թերթը նաեւ հայտնել էր, որ օդանավում գտնվել է 97005-ի առաջատար ինժեները, քանի որ 97004-ինը արձակուրդում է եղել:
