նախընտրելի դարձնելԵթե ինտերնետը մի գեղեցիկ օր անհետանա, սոցիալական ցանցերի ակտիվ օգտագործողների 2%-ն ինքնասպան կլինի:
Ինչպես հաղորդում է NEWSru.com-ը, ամերիկացի գիտնականները փորձել են պարզել, թե ինչպես կանդրադառնա ինտերնետի անհետացումը սոցիալական ցանցերի եւ սոցիալական մեդիայի ակտիվիստների վրա:
Հարցմանը մասնակացել են երկու հազարական տղամարդիկ եւ կանայք: Հարցվածների 67%-ը հայտարարել է, որ կփոխի բնակության վայրը եւ կգնա այնտեղ, որտեղ ինտերնետ կա: Նրանց համար ավելի կարեւոր է լինել «Facebook»-ում, «Twitter»-ում եւ այլ ցանցերում, քան հայրենասիրությունն ու իրենց երկրի հետ կապվածությունը:
Հարցվածների 14%-ը հայտարարել է, թե հնարավոր է դեպրեսիայի մեջ ընկնեն, 11%-ը ուրախ կլինեն, քանի որ գիտեն ինտերնետից իրենց կախվածության մասին: 6%-ը ինտերնետը կփոխարինի համակարգչային խաղերով, եւ, վերջապես, գրեթե 2% -ը հայտարարել է, որ առանց ինտերնետի ինքնասպան կլինի, քանի որ իրենց կյանքի բոլոր իրադարձություններն օնլայն են տեղի ունենում:
