նախընտրելի դարձնելԱդրբեջանի երկու քաղաքացի Ռուսաստանում դաշնային հետախուզման մեջ են 11 սպանություն գործելու կասկածանքով:
Հետախուզման մեջ են 43-ամյա Քերիմովը եւ 40-ամյա Հուսեյնովը: Գործի շրջանակում կալանավորվել են Ադրբեջանի 33-ամյա քաղաքացի Փաշաեւը եւ եւս 8 մարդ, հայտնում է «Ռոսբալտը»` վկայակոչելով իրավապահ մարմինների աղբյուրին: Նրանք բոլորը կազմակերպված հանցախմբի անդամներ են եղել:
Բոլոր ձերբակալվածներին ՌԴ-ի ՔՕ-ի մի շարք հոդվածների համաձայն մեղադրանքներ են ներկայացվել, այդ թվում նաեւ «սպանություն» եւ «կազմակերպված հանցավորություն» հոդվածներով:
Ըստ հետաքննության վարկածի` 2007 թվականի հունվարից մինչեւ 2009 թվականի դեկտեմբերը չարագործները Մոսկվայի եւ Նովգորոդի շրջանի տարածքում 11 քաղաքացու սպանություն են գործել` նրանց բնակարաններին տիրանալու մտադրությամբ: Եւս 3 մարդու հանցագործներն առեւանգել են:
