նախընտրելի դարձնելԵգիպտոսում այսօր` մայիսի 17-ին, կկազմվի աշխարհի ամենաերկար կենդանի շղթան:
«Մահմեդական եղբայրների» եւ նախագահի թեկնածու Մուհամեդ Մուրսիի կողմնակիցները մտադիր են շղթան Կահիրեից ձգել մինչեւ Միջերկրականի ափի Ալեքսանդիա քաղաք, Ալեքսանդիայից էլ` երկրի հարավում գտնվող Ասասունա: Ծրագրվում է, որ կենդանի շղթայի ընդհանուր երկարությունը 1,2 հազար կմ-ից ավելի կլինի: Կազմակերպիչների կարծիքով շղթան կհայտնվի Գինեսի ռեկորդների գրքում` որպես աշխարհում ամենաերկարը:
Ակցիան կսկսվի տեղական ժամանակով 16.00 -ին (18.00` երեւանյանով) եւ կտեւի շուրջ 2 ժամ, հայտնում է «ՌԻԱ Նովոստին»:
Կենդանի շղթա կձգվի ճանապարհների եւ բնակավայրերի ուղղությամբ, միջոցառումը կուղեկցվի Մուրսիի օգտին քարոզչությամբ:
Զուգահեռաբար իսլամականների թեկնածուի համախոհներն ակցիա են պատրաստում Նեղոսի` Եգիպտոսի ջրային զարկերակի վրա:
«Մահմեդական եղբայրների» տասնյակ ակտիվիստներ նավակներով կուղեւորվեն Նեղոս գետի հոսանքով դեպի վեր` կանգ առնելով խոշորագույն բնակավայրերում ընտրողներին հանդիպելու համար:
