Այսուհետև ԱրմՍվիսԲանկը ֆիզիկական անձանց համար թողարկում է Arca վճարային քարտեր։ Քարտով ՀՀ տարածքում առօրյա անկանխիկ գնումներ կատարելիս քարտապանները հնարավորություն ունեն ստանալու 2% հետվճար։

Arca քարտը կարելի է պատվիրել նաև որպես ԱրմՍվիսԲանկի գործող քարտին կից քարտ։ Քարտի տարեկան սպասարկման վճարը կազմում է 2,000 ՀՀ դրամ։

Ծրագրի հիմնական պայմաններն են՝

  • 2% հետվճար՝ ծրագրի պայմաններին համապատասխան անկանխիկ գնումներից, 

  • հետվճարի հաշվարկ՝ 1,000 ՀՀ դրամը գերազանցող վճարումներից, 

  • մինչև 6,000 ՀՀ դրամ հետվճար՝ մեկ գործարքից, 

  • մինչև 60,000 ՀՀ դրամ հետվճար՝ ամսական մեկ անձի համար, 

  • հետվճարի փոխանցում՝ մինչև հաշվետու ամսվան հաջորդող ամսվա 25-ը։ 

Հետվճարը հաշվարկվում է ՀՀ տարածքում գրանցված տնտեսվարողներից՝ ֆիզիկական վաճառքի կետերում կամ առցանց միջավայրում Arca քարտով կատարված անկանխիկ վճարումներից։

Հետվճար չի հաշվարկվում կոմունալ և կապի ծառայությունների, պետական և համայնքային վճարումների, ֆինանսական կազմակերպությունների օգտին կատարված վճարումների, ավտոմատ երկարաձգվող բաժանորդագրությունների, թանկարժեք մետաղների և քարերի առուվաճառքի, ինչպես նաև ծրագրի պայմաններով սահմանված այլ գործարքների համար։

ԱրմՍվիսԲանկի Arca քարտը կարող եք պատվիրել՝ դիմելով Բանկ։ Սակագներին և ծրագրի ամբողջական պայմաններին կարող եք ծանոթանալ Բանկի պաշտոնական կայքում կամ զանգահարելով՝ +374 60 757 000, +374 11 757 000 հեռախոսահամարներով։

Բանկը վերահսկվում է ՀՀ կենտրոնական բանկի կողմից։