նախընտրելի դարձնել
Իսրայելը կապի ուղիներ է պահպանում Սիրիայի իշխանությունների հետ, իսկ Սիրիայի նախագահ Ահմեդ աշ-Շարան այնպիսի «զրուցակից» է, որի հետ կարելի է երկխոսություն վարել։ Այս մասին չորեքշաբթի օրը i24NEWS հեռուստաալիքին հայտնել է իսրայելցի բարձրաստիճան քաղաքական աղբյուրը:
Այս մասին լրատվական հիմնական թողարկման եթերում հաղորդել է ալիքի քաղաքական մեկնաբան Գայ Ազրիելը:
«Աշ-Շարան զրուցակից է, մենք կապի ուղիներ ունենք սիրիական ռեժիմի հետ: Հարցն այն է, թե որն է այդ երկխոսության բովանդակությունը», — հայտարարել է աղբյուրը:
Նա նաև հայտնել է, որ մոտ մեկ տարի առաջ Իսրայելն ու Սիրիան արդեն բանակցություններ են վարել անվտանգության ոլորտում համաձայնագիր կնքելու նպատակով, սակայն կողմերին չի հաջողվել պայմանավորվել:
«Մենք նախկինում՝ մոտ մեկ տարի առաջ, երկխոսություն ենք վարել անվտանգության ոլորտում համաձայնության հասնելու փորձով: Ի վերջո, դա չհաջողվեց», — ասել է բարձրաստիճան աղբյուրը:
Ահմեդ աշ-Շարան, ով նախկինում հայտնի էր որպես Աբու Մուհամմադ ալ-Ջուլանի, գլխավորում է Սիրիայի անցումային իշխանությունները:
