Ռուսաստանի, Չինաստանի և ԱՄՆ-ի նախագահներ Վլադիմիր Պուտինի, Սի Ծինփինի և Դոնալդ Թրամփի եռակողմ հանդիպման անցկացումը չի բացառվում, սակայն դրա նախապատրաստման մեկնարկի մասին խոսելը դեռ վաղ է։ Այս մասին ТАСС-ին տված հարցազրույցում հայտարարել է ՌԴ ԱԳՆ փոխնախարար Սերգեյ Ռյաբկովը։

«Գաղափարը կա, այն նետվել է նաև հանրային դաշտ։ Ասել, թե այն անցնում է նախապատրաստման փուլ, չափազանցություն կլինի», — ասել է Ռյաբկովը։

Ըստ նրա, հիմնական հարցը մնում է հնարավոր հանդիպման բովանդակային կողմը և այն, թե ինչ արդյունքներ են դրանից ակնկալում։ Միևնույն ժամանակ դիվանագետը նշել է, որ երեք երկրների առաջնորդների բանակցությունների հենց ձևաչափը մեծ նշանակություն կունենար և կարող էր կարևոր քաղաքական ազդակներ հղել։

Ռյաբկովն ընդգծել է, որ Ռուսաստանի, Չինաստանի և ԱՄՆ-ի բարձր մակարդակով եռակողմ գագաթնաժողով նախկինում չի անցկացվել։ «Ես ոչինչ չեմ կարող բացառել», — ասել է նա՝ հավելելով, որ առայժմ ասվածին ավելացնելու ոչինչ չունի նման հանդիպման հեռանկարների վերաբերյալ։

Ավելի վաղ ՌԴ նախագահի օգնական Յուրի Ուշակովը հայտնել էր, որ Պուտինը և Սի Ծինփինը քննարկել են Թրամփի մասնակցությամբ եռակողմ հանդիպման հնարավորությունը ԱՏԷՍ (Ասիա-Խաղաղօվկիանոսյան տնտեսական համագործակցություն) գագաթնաժողովի շրջանակում, որը կանցկացվի նոյեմբերի 18–19-ին Չինաստանում։