նախընտրելի դարձնելՃիշտ կլինի, որ քաղաքական կոալիցիան շարունակի իր աշխատանքները: Այս մասին, այսօր` մայիսի 18-ին, լրագրողների հետ հանդիպման ժամանակ նշեց ՀՀԿ փոխնախագահ Գալուստ Սահակյանը, հավելելով, որ այս պահին դեռ ոչինչ հստակեցված չէ, բայց մինչեւ առաջիկա ԱԺ նիստը (մայիսի 31-ին-խմբ) հստակեցում կմտցվի:
Գ. Սահակյանը նշեց, որ այդ հարցի առնչությամբ Էդուարդ Շարմազանովի ասածին ավելացնելու ոչինչ չունի, քանի որ նա կուսակցության պաշտոնական տեսակետն է ներկայացրել:
«Թաքուն քննարկումնե՞ր կան, բոլորին հետաքրքրում է Գագիկ Ծառուկյանը Սերժ Սարգսյանին հանդիպել է, թե` ո՞չ: Ամեն պահի այդ հանդիպումները կարող են լինել, քանի որ դրանք առաջատար քաղաքական ուժերն են»,- ընդգծեց Գալուստ Սահակյանը:
Ավելի վաղ NEWS.am-ը հայտնել էր, որ նախօրեին ՀՀԿ գործադիր մարմնի նիստում կոալիցիա կազմելու հարցը չի քննարկվել: Շարմազանովի խոսքով, Սերժ Սարգսյանը հանդիպումներ է ունենում քաղաքական ուժերի ղեկավարների, այդ թվում ԲՀԿ առաջնորդ Գագիկ Ծառուկյանի հետ եւ այդ հանդիպումները շարունակվում են:
Լուսանկարը` Սոնա Բարսեղյանի
