Նախընտրելի
Հարվածներ են հասցվել Սաուդյան Արաբիայի հարավում գտնվող էներգետիկ ենթակառուցվածքի մի շարք օբյեկտներին, բռնկվել են հրդեհներ, կան տուժածներ, ասվում է թագավորության էներգետիկայի նախարարության հաղորդագրության մեջ։
«Երեքշաբթի՝ սեպտեմբերի 8-ին, Սաուդյան Արաբիայի հարավում հարձակում է տեղի ունեցել էներգետիկ ենթակառուցվածքների մի շարք օբյեկտների վրա։ Իրավասու մարմինները ձեռնարկում են անհրաժեշտ բոլոր քայլերը», — ասված է պաշտոնական հաղորդագրության մեջ։
Նախարարության տվյալներով՝ հարվածների հետևանքով որոշ օբյեկտներում հրդեհներ են բռնկվել, ինչի պատճառով դրանց աշխատանքը ժամանակավորապես դադարեցվել է։ «Թագավորության մի քանի քաղաքացիներ և բնակիչներ վիրավորվել են, նրանց ցուցաբերվում է անհրաժեշտ բժշկական օգնություն», — նշել են գերատեսչությունում։
