Նախընտրելի
Չինաստանի նախագահ Սի Ծինփինը շաբաթ օրը ժամանել է Նյու Դելի՝ Հնդկաստանի վարչապետ Նարենդրա Մոդիի հրավերով մասնակցելու ԲՐԻԿՍ-ի 18-րդ գագաթնաժողովին, հաղորդում է Սինխուա գործակալությունը։
ԲՐԻԿՍ-ի գագաթնաժողովը տեղի կունենա Նյու Դելիում սեպտեմբերի 12–13-ը: Հանդիպման ընթացքում Սի Ծինփինը միավորման մյուս առաջնորդների հետ կքննարկի ԲՐԻԿՍ-ի հետագա զարգացումն ու Գլոբալ Հարավի երկրների դերի ամրապնդումը:
Սպասվում է, որ գագաթնաժողովի մասնակիցները կսահմանեն միավորման շրջանակում համագործակցության զարգացման նոր ուղղություններ, ինչպես նաև կքննարկեն Գլոբալ Հարավի երկրների միջև փոխգործակցության խորացման հարցերը:
Չինական կողմի փոխանցմամբ՝ Պեկինն ակնկալում է, որ գագաթնաժողովը թույլ կտա միավորել ԲՐԻԿՍ-ի երկրների ջանքերն ու լրացուցիչ թափ հաղորդել համագործակցության զարգացմանը՝ միջազգային համակարգում ընթացող խորը փոփոխությունների ֆոնին: Չինաստանը միավորումը դիտարկում է նաև որպես աշխարհում կայունությանն ու դրական փոփոխություններին աջակցելու հարթակ:
