նախընտրելի դարձնելՉիկագոյում ՆԱՏՕ-ի գագաթնաժողովի նախաշեմին ձերբակալել են երեք երիտասարդի, որոնք կասկածվում են այաբեկչության նախապատրաստման մեջ:
Ինչպես հաղորդում է «Վեստին», 20-ամյա Բրայան Չերչը, 24-ամյա Ջարեդ Չերչը եւ 24-ամյա Բրենտ Բեթերլին «հարձակում են նախատեսել քաղաքի մի քանի օբյեկտների վրա»: Ըստ դատախազության` երիտասարդները մոլոտովյան կոկտեյլներ են պատրաստել` մտադրություն ունենալով դրանք օգտագործել առաջիկա հանգստյան օրերին տեղի ունենալիք ակցիայի ժամանակ: Բոլոր երեքին մեղադրանք է առաջադրվել:
Ըստ DPA-ի, մասնավորապես հարձակում է նախատեսվել Չիկագոյի քաղաքապետի տան, ոստիկանական չորս բաժանմունքների, ինչպես նաեւ ֆինանսական մեկ ընկերության գրասենյակի վրա:
Ձերբակալվածներն իրենց մեղքն ամբողջությամբ ժխտում են, իսկ նրանց փաստաբանները դա համարում են «սարքված» գործ` հազարավոր ցուցարարներին վախեցնելու համար:
Ինչպես տեղեկացրել էր NEWS.am-ը, Չիկագոյում, որտեղ մայիսի 20-ին աշխատանքներն է սկսել ՆԱՏՕ-ի գագաթնաժողովը, բողոքի ակցիա է տեղի ունեցել, որին մասնակցել է ավելի քան 2,5 հազ. մարդ:
