նախընտրելի դարձնելՄոնրեալում ձերբակալել են մայիսի 20-ին տեղի ունեցած ուսանողական խռովությունների 186 մասնակիցների:
Ոստիկանները կասեցրել են ուսանողական հերթական` արդեն 27-րդ բողոքի ակցիան` ուղղված ուսման վարձի բարձրացման դեմ:
Զանգվածային բողոքների ընթացքում մի շարք հաստատություններում եւ խանութներում կոտրվել են ապակիները, հասցվել է նյութական նաեւ այլ վնաս:
Ինչպես հայտնում է utro.ru-ն, նախորդ շաբաթվա վերջին կանադական Քվեբեկ նահանգի խորհրդարանն, այսպես կոչված, «հատուկ օրենք» էր ընդունել չարտոնված հանրահավաքները եւ զանգվածային անկարգությունները արգելելու մասին: Փաստաթուղթը սահմանափակում է առանց ոստիկանությանը տեղեկացնելու հանրահավաքներ եւ ցույցեր անցկացնելու իրավունքը, արգելում է ցանկացած զանգվածային հավաք ուսումնական հաստատություններից 50 մ-ից ավելի մոտ հեռավորության վրա եւ նախատեսում է լուրջ տուգանքներ խախտողների համար:
