Նախընտրելի
Ամերիկյան ֆոնդային ինդեքսները երեքշաբթի օրվա առևտրաշրջանն ավարտել են տարբեր արդյունքներով. Dow Jones Industrial Average-ը գրանցել է անկում, S&P 500-ը գրեթե չի փոխվել, իսկ Nasdaq-ն աճել է՝ թարմացնելով ռեկորդային առավելագույն ցուցանիշը։
Թրեյդերները գնահատում էին ՄԱԿ-ի Գլխավոր ասամբլեայում ԱՄՆ նախագահ Դոնալդ Թրամփի ելույթը, ինչպես նաև Դաշնային պահուստային համակարգի (ԴՊՀ) ներկայացուցիչների հայտարարությունները։
Այս շաբաթ ներդրողների ուշադրության կենտրոնում է եղել Վաշինգտոնում ԱՄՆ-ի և Չինաստանի ղեկավարների հանդիպումը։ Հինգշաբթի օրը Թրամփը Սպիտակ տանը կընդունի ՉԺՀ նախագահ Սի Ծինփինին։ Ակնկալվում է, որ երկու երկրների ղեկավարները կքննարկեն Թեհրանի հետ Վաշինգտոնի հակամարտությունը, առևտրային հարցեր, ինչպես նաև հազվագյուտ հողային մետաղների մատակարարման հետ կապված իրավիճակը։
Դաշնային պահուստի կողմից սեպտեմբերյան նիստում տոկոսադրույքի բարձրացումը կօգնի ինֆլյացիան վերադարձնել թիրախային մակարդակին, LinkedIn-ում գրել է Քոլինզը։
Երեքշաբթի օրը Dow Jones-ում անկման առաջատարներ են դարձել Cisco Systems Inc. (-4,5%), JPMorgan Chase & Co. (-3,4%) և American Express Co. (-2,7%) ընկերությունների արժեթղթերը։
Աճի առաջատարների թվում են Amgen Inc.-ի թղթերը, որոնք ընկերության դեղամիջոցներից մեկի կլինիկական հետազոտությունների դրական արդյունքների շնորհիվ թանկացել են 4,3%-ով։ Վստահ աճ են արձանագրել նաև Home Depot Inc.-ի (+2,7%), 3M Co.-ի (+2,6%) և Honeywell International Inc.-ի (+2,6%) արժեթղթերը։
Lennar Corp.-ի շուկայական արժեքն աճել է 6,4%-ով՝ Berkshire Hathaway Inc. ներդրումային ընկերության կողմից ավելի քան 2,7 միլիոն բաժնետոմս գնելու մասին տեղեկատվության ֆոնին։
Capri Holdings-ի կապիտալիզացիան ավելացել է 6,2%-ով՝ լրատվամիջոցների այն լուրերի ֆոնին, թե Michael Kors և Jimmy Choo ապրանքանիշերի սեփականատերը բանակցություններ է վարում հավանական գնորդների հետ։
Royal Caribbean-ի բաժնետոմսերն էժանացել են 6,1%-ով՝ CNBC-ի այն հրապարակումից հետո, որ կրուիզային օպերատորը մոտ է 3 միլիարդ դոլարով Sandals Resorts International հյուրանոցային ցանցի 50% բաժնեմասի ձեռքբերման գործարքին։
Երեքշաբթի օրվա փակման տվյալներով՝ Dow Jones Industrial Average ինդեքսը նվազել է 0,36%-ով՝ հասնելով 51 863,69 կետի։
Standard & Poor's 500-ի ցուցանիշը կազմել է 7 764,64 կետ (նախորդ առևտրաշրջանի համեմատ գրեթե չփոխվելով)։
Nasdaq Composite ինդեքսն աճել է 0,45%-ով՝ հասնելով 27 244,28 կետի։
