նախընտրելի դարձնելՌուսաստանի վարչապետ Դմիտրի Մեդվեդեւը դարձել է «Եդինայա Ռոսիա» կուսակցության անդամ: Այդկերպ երկրի նորագույն պատմության մեջ առաջին անգամ կառավարությունը կուսակցական ղեկավար ունեցավ:
Մոսկվայի Արեւմտյան վարչական շրջանի Ռամենկի թաղամասի «Կոմպաս» մասնաճյուղի քարտուղար Լիդյա Ալյոշինան մայիսի 22-ի հավաքին Մեդվեդեւին կուսակցական տոմս է հանձնել, հայտնում է «ՌԻԱ Նովոստին»:
Հիշեցնենք, որ վարչապետը նախօրեին կուսակցությունում ընդգրկվելու հայտ էր ներկայացրել:
Կուսակցության համագումարը տեղի կունենա մայիսի 26-ին` Մանեժում, եդինառոսներն ակնկալում են շուրջ 2 հազար մարդու մասնակցություն: Կուսակցության նոր նախագահ Մեդվեդեւի ընտրվելու հարցը համագումարում գլխավորը կլինի:
