նախընտրելի դարձնել
Իրանի և Ադրբեջանի միջև ապրանքաշրջանառությունը վերջին վեց ամսում աճել է՝ չնայած տարածաշրջանային պատերազմի հետևանքներին ու մարտահրավերներին։ Այս մասին հայտարարել է Իրանի ճանապարհների և քաղաքաշինության նախարար Ֆարզանե Սադիգը, հաղորդում է Mehr.
Նրա խոսքով՝ Թեհրանն ակնկալում է տրանսպորտային ենթակառուցվածքների զարգացման և առևտրային խոչընդոտների վերացման հաշվին պահպանել այս դինամիկան։ Մասնավորապես, Իրանն առաջ է տանում Ջուլֆա-Քելալա ավտոճանապարհի ընդլայնման նախագիծը, որն, ըստ կանխատեսումների, թույլ կտա մեծացնել երկու երկրների միջև տրանսպորտային հաղորդակցության թողունակությունը։
«Իրանի և Ադրբեջանի Հանրապետության հարաբերությունները բարեկամական են, եղբայրական և ռազմավարական», — երկու երկրների տնտեսական համագործակցության համատեղ հանձնաժողովի նիստից հետո հայտարարել է Սադիղը։
Կողմերը քննարկել են նաև նախկինում ձեռք բերված համաձայնությունների կատարման ընթացքն ու տնտեսական և տրանսպորտային ոլորտների համատեղ ծրագրերի վիճակը։ Սեպտեմբերի սկզբին Իրանն ու Ադրբեջանը հայտնել էին Աղբանդ-Քելալա ավտոմոբիլային կամրջի շինարարության ավարտի մասին, ինչպես նաև քննարկել Աստարայի բեռնատար տերմինալի աշխատանքների եզրափակումը։
Սադիղը նշել է, որ առկա հարաբերությունները պայմաններ են ստեղծում համագործակցության հետագա ընդլայնման համար, և Իրանն ակնկալում է առևտրի ու տրանսպորտային փոխադրումների ծավալների աճ ապահովել երկու երկրների միջև։
