ԱՄՆ փոխնախագահ Ջեյ Դի Վենսը, որը համարվում է 2028 թվականին ԱՄՆ-ում նախատեսվող նախագահական մրցապայքարին մասնակցության ամենահավանական հավակնորդներից մեկը, հնարավոր է համարել, որ ամերիկյան Կոնգրեսի միջանկյալ ընտրությունների արդյունքները կարող են ազդել 2028 թվականին երկրի բարձրագույն պետական պաշտոնի համար առաջադրվելու մասին իր որոշման վրա։

«Դուք որոշում եք ընդունում՝ հավաքելով հնարավորինս շատ տեղեկատվություն և փորձելով վարվել իմաստուն կերպով։ Այո՛, նկատի ունեմ, որ անկախ նրանից, թե ինչ տեղի կունենա առաջիկա 35 օրերի ընթացքում, կհայտնվեն նոր տեղեկատվություն, նոր տվյալներ, որոնց հիման վրա պետք կլինի որոշում ընդունել»,- ասել է նա NBC News հեռուստաալիքի հարցազրույցում՝ պատասխանելով այն հարցին, թե արդյոք Հանրապետական կուսակցության ընտրություններում Կոնգրեսում ենթադրյալ պարտությունը կարող է ազդել իր քաղաքական ծրագրերի վրա։ «Այս պահին ես փորձում եմ շատ չմտածել հիպոթետիկ սցենարների մասին։ Ես պարզապես կփորձեմ անել ինձանից կախված ամեն ինչ և մարդկանց խրախուսել ընտրել այն թեկնածուներին, որոնք ինձ արժանի են թվում։ Ամերիկյան ժողովուրդը որոշում կընդունի, և երբ դա տեղի ունենա, այո՛, ես կունենամ նոր տեղեկատվություն դիտարկելու համար»,- ավելացրել է Վենսը։

ԱՄՆ փոխնախագահը բազմիցս ընդգծել է, որ կենտրոնացած է իր կուսակցությանը միջանկյալ ընտրություններում հաջողության հասնելու հարցում օգնելու վրա, և միայն դրանց ավարտից հետո որոշում կընդունի 2028 թվականին ԱՄՆ նախագահի պաշտոնում իր թեկնածությունն առաջադրելու մասին։

Կոնգրեսի միջանկյալ ընտրությունները կանցկացվեն նոյեմբերի 3-ին, որոնց ընթացքում կվերընտրվեն Սենատի 100 անդամներից 33-ը և Ներկայացուցիչների պալատի բոլոր 435 անդամները։