նախընտրելի դարձնել
GPT-6 Astra նեյրոցանցն օգնել է վերծանել ֆրանսիական կայսր Նապոլեոն Բոնապարտի ուղերձը, որի բովանդակությունը մոտ 217 տարի անհայտ էր մնում։ Դրա մասին հայտնել է The Telegraph պարբերականը։
Նամակը 1809 թվականին ուղարկվել էր գեներալ Օգյուստ դը Մարմոնին՝ Նապոլեոնի խորթ որդու՝ Էժենի միջոցով։ Այն տեղեկություններ էր պարունակում Ֆրանսիայի և Ավստրիայի զորքերի տեղաշարժերի և թվաքանակի մասին՝ Ֆրանսիայի և Հաբսբուրգների միապետության միջև ռազմական առճակատումից առաջ։
Վերծանմամբ զբաղվել է SentinelOne ընկերության արհեստական բանականության ինժեներ Քարթեր Չերչը։ Նրա պատմելով՝ նեյրոցանցին մոտ վեց ժամ է պահանջվել՝ շուրջ 1300 նիշ մշակելու և դրանք ծածկագրաբաններին հայտնի գաղտնագրի տարրերի հետ համադրելու համար։
Վերլուծության համար օգտագործվել է «իմիտացված թրծում» մեթոդը, որի դեպքում համակարգը փորձարկել է բառերի զանազան տարբերակներ և ստացված արդյունքները համեմատել Մարմոնի պահպանված մյուս տեքստերի հետ։
Ըստ վերծանված տեքստի՝ գեներալին հրահանգվել էր պատրաստվել երթի և չտրվել վախին «մի քանի ջոկատների կամ խաժամուժի կույտի» առաջ։ Ուղերձում նշվել է նաև, որ Ավստրիան «անմիջապես կհարձակվի բոլոր կողմերից»։
Ավելի վաղ ԱՄՆ-ում գիտնականներն առաջին անգամ օգտագործել էին արհեստական բանականությունը՝ վիրուսների նոր տեսակներ ստեղծելու համար։
