Մոլդովայի ԱԳՆ-ն Քիշնևում կանչել է Ռուսաստանի դեսպանին և բողոքի նոտա հանձնել նրան այն բանից հետո, երբ հինգ անօդաչու թռչող սարքեր և հրթիռներ անցել են երկրի օդային տարածքով։ Մոլդովայի արտաքին քաղաքական գերատեսչության տվյալներով՝ օբյեկտները պայթել են հանրապետության չորս շրջաններում գտնվող բնակավայրերի մերձակայքում։

Մոլդովայի ԱԳՆ-ն հայտարարել է, որ միջադեպը սպառնալիք է ստեղծել քաղաքացիների կյանքի և անվտանգության համար, ինչպես նաև հանգեցրել է հրդեհների և նյութական վնասների։ Գերատեսչությունը Ռուսաստանից պահանջել է հարգել Մոլդովայի ինքնիշխանությունն ու տարածքային ամբողջականությունը և թույլ չտալ նման միջադեպերի կրկնություն։

Ռուսաստանի դեսպան Օլեգ Օզերովին արդեն բազմիցս կանչել են Մոլդովայի ԱԳՆ՝ երկրի օդային տարածքի խախտումների կապակցությամբ, Ուկրաինայի դեմ պատերազմի ֆոնին։ 2025 թվականի փետրվարին Քիշնևը նույնպես ռուս դիվանագետին բողոքի նոտա էր հանձնել Մոլդովայի տարածքի վրայով մի քանի անօդաչու թռչող սարքերի թռիչքից հետո։

Մոլդովայի իշխանություններն ավելի վաղ հայտնել էին, որ նման միջադեպերն Ուկրաինայում պատերազմի՝ հարևան պետությունների անվտանգությանն սպառնացող ուղղակի հետևանքներից են։ 2026 թվականի հունիսին ՄԱԿ-ում Մոլդովայի մշտական ներկայացուցիչը հայտնել էր ռուսական անօդաչու թռչող սարքերի թռիչքների և երկրի տարածքում հրթիռների ու անօդաչու թռչող սարքերի բեկորների ընկնելու դեպքերի մասին։