Ուրբաթ օրը եվրոպական ֆոնդային շուկաներն իրենց արդյունքները փակել են աճով։ Տարածաշրջանի խոշորագույն ընկերությունների Stoxx Europe 600 համախառն ինդեքսն ավելացել է 0,75%-ով՝ հասնելով 631,35 կետի։

Բրիտանական FTSE 100-ն աճել է 0,32%-ով, գերմանական DAX-ը՝ 1,17%-ով, ֆրանսիական CAC 40-ը՝ 0,79%-ով, իտալական FTSE MIB-ը՝ 0,49%-ով, իսկ իսպանական IBEX 35-ը՝ 0,42%-ով։

Ուրբաթ օրը հրապարակված նախնական տվյալների համաձայն՝ սեպտեմբերին եվրագոտում սպառողական գները տարեկան կտրվածքով ավելացել են 3,8%-ով, ինչն ամենաբարձր ցուցանիշն է 2023 թվականի սեպտեմբերից ի վեր։ Գնաճն արագացել է նախորդ ամսվա համեմատ (երբ այն կազմում էր 3,2%)՝ գերազանցելով վերլուծաբանների կանխատեսած 3,6% միջին ցուցանիշը։

Stoxx 600 ինդեքսի բաղադրիչների շարքում աճի առաջատարն է դարձել տպասալեր և ինտեգրալ սխեմաների հիմնատակեր արտադրող ավստրիական AT&S Austria Technologie und Systemtechnik ընկերությունը (+10,4%)։

Զգալիորեն թանկացել են կիսահաղորդչային ոլորտի ներկայացուցիչների բաժնետոմսերը, այդ թվում՝ Infineon Technologies-ինը աճել է 8,8%-ով, ASM International-ինը՝ 5,5%-ով, BE Semiconductor-ինը՝ 7%-ով, STMicroelectronics-ինը՝ 6,7%-ով, ASML Holding-ինը՝ 3,5%-ով։

Hensoldt-ի բաժնետոմսերի արժեքն ավելացել է 3,1%-ով, Aixtron-ինը՝ 7,6%-ով, Technoprobe-ինը՝ 6%-ով, Soitec-ինը՝ 7,7%-ով, BT Group-ինը՝ 2,9%-ով, Stellantis-ինը՝ 0,9%-ով, Thyssenkrupp-ինը՝ 2,1%-ով։

Լոնդոնյան աճուրդներում վստահ աճ են գրանցել լեռնահանքային Antofagasta, Glencore և Anglo American ընկերությունների արժեթղթերը (երեքն էլ ավելացել են 3%-ով)։

Շվեյցարական Julius Baer բանկային խումբը, որն ավելի վաղ հայտարարել էր մինչև 600 մլն շվեյցարական ֆրանկի ($723 մլն) չափով բաժնետոմսերի հետգնման ծրագիր սկսելու մասին, իր շուկայական կապիտալիզացիան ավելացրել է 2%-ով։

Համախառն ինդեքսում ամենամեծ անկումն արձանագրել են առցանց առևտրային և ներդրումային IG Group հարթակի գնանշումները (-22,6%)։ Ընկերությունը հայտնել է, որ երրորդ եռամսյակում իր հասույթը նվազել է 14%-ով, և վատթարացրել է այդ ցուցանիշի տարեկան աճի կանխատեսումը՝ նախկին 10-15%-ի փոխարեն սահմանելով 4-6%։ Առևտրաշրջանի ընթացքում IG Group-ի բաժնետոմսերն ընկել էին ընդհուպ 27%-ով, ինչն ամենախոշոր ներօրյա անկումն է 2016 թվականի դեկտեմբերից ի վեր։

Auto1-ի շուկայական արժեքը նվազել է 4,8%-ով, Plus500-ինը՝ 5,2%-ով, Kion Group-ինը՝ 7,7%-ով, Sweco-ինը՝ 1,8%-ով, XTB-ինը՝ 5,4%-ով, Sanofi-ինը՝ 3,1%-ով, Swissquote-ինը՝ 1,7%-ով։

Զգալի կորուստներ են կրել գերմանական ավտոարտադրողներ Daimler Truck-ը (-2%) և BMW AG-ն (-0,9%)։

Շվեդական Volvo Cars-ի կապիտալիզացիան նվազել է 7,4%-ով։ Մարդատար ավտոմեքենաներ արտադրողը երրորդ եռամսյակում համաշխարհային վաճառքի ծավալները նախորդ տարվա նույն ժամանակահատվածի համեմատ կրճատել է 10,7%-ով՝ հասցնելով 141,609 հազար միավորի։

Առևտրաշրջանը բացասական արդյունքով են ավարտել նաև շքեղության պարագաներ արտադրող ֆրանսիական Kering (-3,2%) և Hermes International (-0,2%) ընկերությունների բաժնետոմսերը։