նախընտրելի դարձնել
Հունգարիայի վարչապետ Պետեր Մադյարը հունգարական 444 պարբերականի հարցազրույցում հայտնել է, որ ԱՄՆ և Ռուսաստանի նախագահներ Դոնալդ Թրամփի և Վլադիմիր Պուտինի միջև ռուսական դիզելային վառելիքի արտահանման վերաբերյալ համաձայնագիրը կարող է Բուդապեշտի համար հօգուտ ռուսական նավթի նկատմամբ ամերիկյան պատժամիջոցներից բացառության երկարաձգման փաստարկ դառնալ։
Մադյարի խոսքով՝ Հունգարիան նման բացառությունից օգտվում է մինչև նոյեմբեր, իսկ ամերիկյան կողմը այն երկարաձգում է ամեն տարի։
Եթե Թրամփը Պուտինի հետ պայմանավորվել է դիզելային վառելիքի արտահանման շուրջ, ապա, վարչապետի կարծիքով, անտրամաբանական կլիներ Հունգարիային մերժել թույլտվության երկարաձգումը ևս առնվազն մեկ տարով։
«Եթե ԱՄՆ նախագահը դիզելային վառելիքի արտահանման վերաբերյալ համաձայնագիր է կնքել, ապա անտրամաբանական կլիներ Հունգարիային չտրամադրել այդ բացառությունը գոնե ևս մեկ տարով», — հայտարարել է Մադյարը։
Նա նշել է, որ գործարքի հարցը քննարկվել է Եվրամիության վերջին գագաթնաժողովում՝ էներգակիրների գների աճի համատեքստում, սակայն այն երկրորդական է համարել եվրոպացի առաջնորդների հանդիպման համար։
Վարչապետի կարծիքով՝ ԱՄՆ նախագահի որոշումներն ինքնին չեն վերաբերում ԵՄ գագաթնաժողովի օրակարգին։
Միաժամանակ, Մադյարը ընդունել է, որ համաձայնագիրը ձեռնտու չէ Ուկրաինային, թեև չի մանրամասնել իր գնահատականը։
