նախընտրելի դարձնել
Ֆրանսիական Լիմոժ քաղաքում փլուզվել է պատմական քաղաքապետարանի զանգակատան աշտարակը, որը զանգվածային բողոքների ֆոնին տեղի ունեցած անկարգությունների ժամանակ ենթարկվել էր ուժեղ հրդեհի, հայտնել են ֆրանսիական լրատվամիջոցները։
Հրդեհը բռնկվել է հոկտեմբերի 17-ին, այն բանից հետո, երբ անկարգությունների մի խումբ մասնակիցներ ներխուժել էին շենք և հրկիզել այն։ Կրակը տարածվել է քաղաքապետարանի թևերից մեկում, ապա անցել տանիք։ Հրշեջները փորձել են թույլ չտալ բոցի հետագա տարածումը։
🔥 Emeutes et incendie de l'hôtel de Ville à Limoges : le clocher s'est écroulé ce soir, l'édifice historique semble complètement perdu. https://t.co/jNgHJZYMAF
— ici Limousin (@icilimousin) October 17, 2026
Լիմոժի քաղաքապետարանը բացվել է 1883 թվականին և համարվում էր քաղաքի պատմական խորհրդանիշներից մեկը։ Շենքը 1975 թվականին ճանաչվել է Ֆրանսիայի պատմական հուշարձան։ Կենտրոնական աշտարակի բարձրությունը ժամացույցով և զանգակատնով կազմում էր մոտ 43 մետր։
