նախընտրելի դարձնել
Եգիպտոսի Ազգային պաշտպանության խորհուրդը՝ նախագահ Աբդել Ֆաթահ աս-Սիսիի գլխավորությամբ, որոշում է ընդունել Սաուդյան Արաբիային տրամադրել ամբողջ անհրաժեշտ և հնարավոր աջակցությունը թագավորության դեմ հարձակումների ուժեղացման ֆոնին, տեղեկացնում է Al Arabiya-ն։
Ինչպես հայտնել է Եգիպտոսի նախագահի պաշտոնական ներկայացուցիչը, խորհուրդը քննարկել է տարածաշրջանում վերջին իրադարձությունները և Մերձավոր Արևելքում իրավիճակի սրումը։
Կահիրեում հայտարարել են Էր-Ռիյադի հետ լիակատար համերաշխության մասին՝ ընդգծելով երկու երկրների և նրանց ժողովուրդների միջև պատմական կապերը։ Եգիպտոսը մտադիր է աջակցել Սաուդյան Արաբիային նրա անվտանգության և կայունության, ռեսուրսների ու տարածքային ամբողջականության, ինչպես նաև իսլամական սրբավայրերի պաշտպանության հարցում։
Բացի այդ, Ազգային պաշտպանության խորհուրդը որոշել է շարունակել և ակտիվացնել քաղաքական ու դիվանագիտական ջանքերը՝ տարածաշրջանային և միջազգային գործընկերների հետ համատեղ։ Դրանց նպատակը Մերձավոր Արևելքում լարվածության նվազեցումն է և տարածաշրջանային ճգնաժամերի խաղաղ կարգավորմանը հասնելը։
Նախօրեին աս-Սիսին կիրակի օրվա համար հրավիրել էր խորհրդարանի արտահերթ նիստ՝ զինված ուժերի օգտագործման թույլտվություն ստանալու նպատակով՝ Սաուդյան Արաբիայի և Պարսից ծոցի այլ երկրների պաշտպանության և աջակցության համար՝ համապատասխան խնդրանքի դեպքում։
