նախընտրելի դարձնել
Երկուշաբթի օրվա դրությամբ նավթի գները նվազում են, ինչը պայմանավորված է համաշխարհային շուկայում ռուսական վառելիքի մատակարարումների ավելացման սպասումներով։ Սա տեղի է ունենում այն բանից հետո, երբ ԱՄՆ նախագահ Դոնալդ Թրամփը որոշում է կայացրել ՌԴ-ի դեմ «Գրեմի օրենքով» նախատեսված սահմանափակիչ միջոցները չկիրառելու մասին։
Լոնդոնի «ICE Futures» բորսայում «Brent» տեսակի նավթի դեկտեմբերյան ֆյուչերսների արժեքը կազմում է 107,91 դոլար (մեկ բարելի դիմաց), ինչը 1,95 դոլարով (1,77%-ով) ցածր է նախորդ սակարկությունների փակման ցուցանիշից։ Ուրբաթ օրը այդ պայմանագրերը թանկացել էին 3,94 դոլարով (3,72%-ով)՝ մեկ բարելի դիմաց հասնելով 109,86 դոլարի, ինչը մայիսի 19-ից ի վեր առավելագույն ցուցանիշն էր։
Նյու Յորքի ապրանքային բորսայի (NYMEX) էլեկտրոնային սակարկություններում «WTI» տեսակի նավթի նոյեմբերյան ֆյուչերսների գինը նվազել է 1,27 դոլարով (1,25%-ով)՝ մեկ բարելի դիմաց հասնելով 100,14 դոլարի։ Նախորդ նստաշրջանի արդյունքներով դրանց արժեքն աճել էր 3,44 դոլարով (3,51%-ով)՝ մեկ բարելի դիմաց հասնելով 101,41 դոլարի։
