Ֆրանսիայում անցած հանգստյան օրերին անկարգությունների վերածված բողոքի ալիքը խարխլել է նախագահ Էմանուել Մակրոնի դիրքերը Եվրոպական խորհրդում։ Այս մասին, վկայակոչելով իր աղբյուրները, գրում է «Politico» պարբերականի եվրոպական ծառայությունը։

«Տեղի ունեցողը պարզապես կապում է նրա ձեռքերը»,— նշել է անանունության պայմանով խոսած ԵՄ դիվանագետներից մեկը։

Հոկտեմբերի 17-ին Փարիզում և երկրի այլ շրջաններում մարդիկ զանգվածաբար փողոց էին դուրս եկել՝ բողոքելու վառելիքի թանկացման ու կենսամակարդակի անկման դեմ։ Կազմակերպիչների տվյալներով՝ ակցիաներին մասնակցել է մոտ 800 հազար մարդ։ ՆԳՆ-ն հաղորդում է 550 հազարի մասին, ինչը, միևնույն է, երկու անգամ ավելին է, քան կանխատեսում էին ուժային կառույցների վերլուծաբանները։ Մի շարք քաղաքներում ցույցերն ուղեկցվել են ջարդարարությամբ ու ոստիկանների հետ բախումներով։ Ներքին գործերի նախարար Լորան Նունյեսը հայտնել է ողջ հանրապետությունում ավելի քան 2000 բերման ենթարկվածի մասին՝ ընդգծելով, որ իշխանությունները հետևողականորեն պատասխանատվության են կանչելու թալանի և անկարգությունների բոլոր մեղավորներին։