նախընտրելի դարձնել
ԱՄՆ Օհայո նահանգի Կոլումբուս քաղաքի մզկիթում հրաձգություն է տեղի ունեցել, որի հետևանքով առնվազն մեկ մարդ զոհվել է, ևս մեկը՝ վիրավորվել։
WBNS հեռուստաալիքի փոխանցմամբ՝ միջադեպը գրանցվել է տեղական ժամանակով մոտ 14:10-ին:
Կրակոցների մասին տեղեկությունը հաստատել է ԱՄՆ ալկոհոլի, ծխախոտի, հրազենի և պայթուցիկ նյութերի վերահսկողության բյուրոյի (ATF) տեղի ստորաբաժանումը։
«ATF-ի Կոլումբուսի բաժանմունքի հատուկ գործակալներն արձագանքում են մզկիթում հրաձգության վերաբերյալ ստացված ահազանգերին»,— նշված է գերատեսչության X-ի հաղորդագրության մեջ:
Տուժածի առողջական վիճակի մասին տեղեկություններ առայժմ չկան։
Ոստիկանության նախնական տվյալներով՝ կատարվածը մզկիթի վրա թիրախավորված հարձակում չի եղել։ Միջադեպի մանրամասները պարզվում են։
