նախընտրելի դարձնել
ԱՄՆ ֆոնդային ինդեքսները երեքշաբթի օրվա սակարկություններն ավարտել են տարաուղղված փոփոխություններով։
Արհեստական բանականության զարգացման ոլորտում խոշոր ներդրումներ կատարող ընկերությունների բաժնետոմսերը երկուշաբթի օրվա դադարից հետո կրկին հայտնվել են ճնշման տակ։
«Nvidia Corp.»-ի և «Microsoft Corp.»-ի շուկայական կապիտալիզացիան նվազել է 0,3%-ով, «Intel Corp.»-ինը՝ 0,4%-ով, «Advanced Micro Devices»-ինը՝ 0,6%-ով, «Palantir Technologies»-ինը՝ 0,8%-ով, «Apple Inc.»-ինը և «Micron Technology»-ինը՝ 1%-ով, «Alphabet Inc.»-ինը՝ 1,1%-ով, իսկ «Lam Research»-ինը՝ 3,2%-ով։
Երեքշաբթի «Moderna Inc.»-ի բաժնետոմսերը թանկացել են 6,7%-ով, «Charles River Laboratories»-ինը՝ 5,1%-ով, «Bristol Myers Squibb»-ինը՝ 4,8%-ով, «Eli Lilly»-ինը՝ 3,5%-ով, «Merck & Co.»-ինը և «Amgen»-ինը՝ 3,3%-ով, «UnitedHealth Group»-ինը՝ 3%-ով, իսկ «Johnson & Johnson»-ինը՝ 2,2%-ով։
Հաշվետվությունների հրապարակման թեժ շրջանում շուկայի մասնակիցների ուշադրության կենտրոնում շարունակում են մնալ ընկերությունների ֆինանսական ցուցանիշները։
«S&P 500» ինդեքսում ընդգրկված ընկերությունների շարքում աճի առաջատարների թվում են հայտնվել «Equifax» վարկային բյուրոն (+11,3%) և խաղալիքներ արտադրող «Hasbro»-ն (+11,2%), որոնց եռամսյակային արդյունքները գերազանցել են շուկայի սպասումները։
Լայն տեսականու տասնյակ հազարավոր ապրանքներ թողարկող «3M Co.»-ի արժեթղթերի գինը բարձրացել է 5,8%-ով։ Հուլիս-սեպտեմբերին ընկերությունն իր զուտ շահույթն ավելացրել է 1,6 անգամ, ինչպես նաև բարելավել տարեկան կանխատեսումը։
Պաշտպանական ոլորտի «Northrop Grumman» ընկերության գնանշումներն աճել են 4,6%-ով, իսկ նավթարդյունահանման սպասարկման ոլորտում գործող «Halliburton»-ինը՝ 1,9%-ով։ Նախորդ եռամսյակում երկու ընկերությունների շահույթն էլ զգալիորեն գերազանցել է վերլուծաբանների գնահատականները։
Պարտքային գործիքների և բաժնետոմսերի առևտրի էլեկտրոնային հարթակների օպերատոր «Tradeweb Markets»-ի կապիտալիզացիան ավելացել է 4,1%-ով այն լուրերից հետո, թե ընկերությունը 1,97 մլրդ դոլարով գնում է «Trumid Holdings» ֆինտեխ ընկերությունը։
«Flutter Entertainment»-ի արժեթղթերի արժեքն աճել է 2,1%-ով։ Առցանց խաղադրույքների և շահումով խաղերի ոլորտում գործող ընկերությունը հայտարարել է, որ Մեծ Բրիտանիայում խաղային բիզնեսի հարկերի կտրուկ բարձրացման պատճառով նախատեսում է այդ երկրում կրճատել 1,4 հազար աշխատակցի։
«Prudential Financial» ֆինանսական ընկերության շուկայական արժեքն ավելացել է 1,4%-ով՝ Բրազիլիայում և Մեքսիկայում իր ստորաբաժանումները 4 մլրդ դոլարով վաճառելու մասին լուրերի ֆոնին։
«General Motors»-ի արժեթղթերի գինն ընկել է 6,8%-ով՝ չնայած ավտոարտադրողի եռամսյակային բարձր ցուցանիշներին։ Ընկերությունը նախազգուշացրել է, որ հումքի թանկացումը և բեռնատարների նկատմամբ պահանջարկի թուլացումն առաջիկա ամիսներին կարող են բացասաբար անդրադառնալ իր ֆինանսական արդյունքների վրա։ «General Motors»-ը գրանցել է ամենամեծ անկումը «S&P 500»-ում։
Ավիատիեզերական «GE Aerospace» ընկերության բաժնետոմսերն էժանացել են 3,7%-ով, թեև հուլիս-սեպտեմբերի նրա ցուցանիշները գերազանցել էին փորձագետների կանխատեսումները։
Երեքշաբթի օրվա սակարկությունների արդյունքում «Dow Jones Industrial Average» ինդեքսն աճել է 1,02%-ով՝ հասնելով 52 495,88 կետի։
«Standard & Poor's 500»-ի ցուցանիշը բարձրացել է 0,28%-ով և կազմել 7712,57 կետ։
Իսկ «Nasdaq Composite» ինդեքսը կորցրել է 0,02%՝ փակվելով 26 424,82 կետի նշագծին։
