նախընտրելի դարձնել
Մեքքայի համաձայնագրի անդամ Սաուդյան Արաբիայի, Թուրքիայի և Պակիստանի ներկայացուցիչները երկուշաբթի օրը կհանդիպեն իրանցի պաշտոնյաների հետ և կքննարկեն տարածաշրջանային համակարգման հարցերը։ Այս մասին հայտնում է Reuters գործակալությունը՝ հղում անելով իրազեկ աղբյուրներին։
Համատեղ պաշտպանության մասին Մեքքայի համաձայնագիրը Սաուդյան Արաբիան, Պակիստանն ու Թուրքիան ստորագրել են օգոստոսի 7-ին։ Փաստաթղթի համաձայն՝ մասնակից երկրներից ցանկացածի վրա զինված հարձակումը դիտարկվում է որպես հարձակում բոլոր երեք պետությունների վրա։
«Մեքքայի համաձայնագրի անդամ երկրների՝ Սաուդյան Արաբիայի, Թուրքիայի և Պակիստանի բարձրաստիճան ներկայացուցիչները երկուշաբթի օրը Թեհրանում կհանդիպեն իրանցի պաշտոնատար անձանց հետ և կքննարկեն տարածաշրջանային համակարգման հարցերը», — ասվում է գործակալության հրապարակման մեջ։
Աղբյուրների փոխանցմամբ՝ Սաուդյան Արաբիան կներկայացնի թագավորության պաշտպանության նախարար, արքայազն Խալեդ բեն Սալման Ալ Սաուդը, Պակիստանը՝ ցամաքային զորքերի շտաբի պետ Ասիմ Մունիրը, իսկ Թուրքիան՝ երկրի հետախուզության ղեկավարը։
