Գերմանիայի հյուսիսում գտնվող Բրեմերհաֆենի նավահանգստում Mein Schiff 3 զբոսանավը նավամատույցից հեռանալիս բախվել է կոնտեյներատար նավի։ Բախման հետևանքով վնասվել է կոնտեյներատարի իրանը, հոկտեմբերի 26-ին հայտնում է Nordsee-Zeitung թերթը։

«Mein Schiff 3 զբոսանավը երեկոյան Բրեմերհաֆենի նավամատույցից հեռանալիս բախվել է կոնտեյներատար նավի», — ասվում է հոդվածում։

Bild-ի տվյալներով՝ պատահարի հետևանքով տուժածներ չկան։ Նախնական վարկածով՝ բախման պատճառ կարող էին դառնալ փոթորկալից քամու ուժգին պոռթկումները, որոնք նավամատույցից հեռանալիս բարդացրել են զբոսանավի մանևրումը։