նախընտրելի դարձնել
Բուլղարիայի նախագահի և փոխնախագահի ընտրություններում առաջատար է Իլիանա Յոտովայի և Կիրիլ Վալչևի զույգը․ նրանք ստանում են ձայների 34,69%-ը։ Երկուշաբթի օրը այսպիսի տվյալներ է ներկայացրել Կենտրոնական ընտրական հանձնաժողովը՝ քվեաթերթիկների 99%-ի հաշվարկի արդյունքներով։
Երկրորդ տեղում է Անդրեյ Գյուրով - Գեորգի Կանդև զույգը՝ ընտրողների ձայների 31,98%-ով։
Ընտրողների մասնակցությունը կազմել է 50%-ից պակաս, ինչը նշանակում է, որ նոյեմբերի 1-ին Բուլղարիայում կանցկացվի ընտրությունների երկրորդ փուլ, որտեղ կմրցեն Յոտովա-Վալչև և Գյուրով-Կանդև զույգերը։
Յոտովան ներկայացնում է Բուլղարիայի սոցիալիստական կուսակցությունը, իսկ Գյուրովը անկուսակցական է, սակայն նրան աջակցել են կենտրոնամետ «Շարունակում ենք փոփոխությունները» և «Ժողովրդավարական Բուլղարիա» կուսակցությունները։
Բուլղարիայում նախագահական ընտրություններն անցկացվում են արտահերթ, քանի որ պետության նախկին ղեկավար Ռումեն Ռադևը հունվարին հրաժարական էր տվել։ Այժմ նա զբաղեցնում է վարչապետի պաշտոնը։ Ռադևի հրաժարականից հետո Բուլղարիայի ժամանակավոր նախագահը Յոտովան է։
