նախընտրելի դարձնել
ԱՄՆ նախագահ Դոնալդ Թրամփը հոկտեմբերի 26-ին քննադատել է ԱՄՆ նախկին նախագահ Բարաք Օբամային՝ Սպիտակ տանը իրականացվող վերանորոգման աշխատանքները The Cheesecake Factory ցանցի ռեստորանի հետ համեմատելու համար։ Նրա խոսքերը մեջբերում է New York Post (NYP) թերթը։
«Եթե նա ասում է, որ դա նման է Cheesecake Factory-ին, ապա դա միայն ապացուցում է, թե ինչու էր նա անպետք նախագահ», — լրագրողներին ասել է Թրամփը։
Մեկնաբանելով Օբամայի հայտարարությունները՝ Թրամփը լրագրողներին ասել է, որ նախկին նախագահի նման մտածող մարդիկ չեն նկատում շուրջբոլորի ո՛չ կեղտը, ո՛չ տգեղությունը։ Թրամփն ընդգծել է, որ Սպիտակ տունը ԱՄՆ-ի խորհրդանիշն է, ուստի պետք է անթերի մնա։
Հոկտեմբերի 25-ին Օբաման բացասաբար է արտահայտվել Թրամփի օրոք Սպիտակ տան դեկորի փոփոխության և վերակառուցման մասին։ Ամերիկայի նախկին նախագահը կարծիք է հայտնել, որ Թրամփը, իբր, չափազանց տարված է Սպիտակ տան վերակառուցմամբ և ձևավորմամբ, ինչի պատճառով այնտեղ «ամենուր ոսկի է»։
Այն մասին, որ ԱՄՆ ներկայիս նախագահը մտադիր է ընդլայնել հնարավոր վերակառուցման գոտին, The Washington Post թերթը Վաշինգտոնում հայտնել էր դեռևս սեպտեմբերի 29-ին։ Նրա տեղեկություններով՝ Սպիտակ տնից բացի նա ծրագրել է աշխատանքներ իրականացնել հարակից տարածքներում, հուշահամալիրներում և մի շարք դաշնային շենքերում։ Նշվում էր, որ Սպիտակ տանը ծրագրի իրականացումը վարչակազմի համար կարժենա առնվազն 900 մլն դոլար, որից 600 մլն դոլարը կուղղվի մոտ 8 հազար քառ. մետր մակերեսով պարահանդեսների սրահին։
