ԱՄՆ ռազմածովային ուժերի նավախումբը, որը տեղակայված է անմիջապես Իրանի մերձակայքում, մեկ շաբաթվա ընթացքում 17-ից աճել է մինչև 21 մարտական նավ, հետևում է Միացյալ Նահանգների Ռազմածովային ինստիտուտի տեղեկատվական ծառայության տվյալներից։

Ներկայումս Արաբական ծովում՝ Իրանից հարավ-արևելք, մարտական հերթապահություն են իրականացնում ամերիկյան երկու ավիակիր հարվածային խմբեր՝ USS George Washington և USS George Bush ավիակիրների գլխավորությամբ։ Դրանցից յուրաքանչյուրի վրա տեղակայված է 48 կործանիչ։ Ավիակիրների հետ միասին Իրանի մերձակայքում տեղակայված են 1 կրեյսեր, 11 հրթիռային էսմինեց և 3 խոշոր դեսանտային նավ՝ ծովային հետևակի էքսպեդիցիոն գումարտակով։

Միևնույն ժամանակ, Կարմիր ծովի շրջանում, Եմենի հակամարտության ֆոնին, գործում են ամերիկյան երկու հրթիռային էսմինեց։ ԱՄՆ ռազմածովային ուժերի ևս երկու էսմինեց գտնվում են Հնդկական օվկիանոսի հյուսիս-արևմտյան հատվածում։

ԱՄՆ-ի՝ Իրանի դեմ ռազմական գործողությունների ընթացքում տարածաշրջանում նույնպես հաշվվում էր ավելի քան 20 ամերիկյան մարտական նավ։