Այսօր՝ հոկտեմբերի 27-ին, ավտովթար է տեղի ունեցել Երևանում։ Ժամը 07։40-ի սահմաններում Րաֆֆու փողոցում բախվել են Երևանի քաղաքապետարանի հաշվեկշռում հաշվառված՝ Կարեն Հ.-ի վարած «Zhongtong» մակնիշի ավտոբուսը, Դիանա Չ.-ի վարած «Jeep Compass» մակնիշի և Պողոս Ի.-ի վարած «Toyota Corolla» մակնիշի ավտոմեքենաները, ինչի հետևանքով վերջինը հայտնվել է կանաչ խոտածածկույթի վրա, հաղորդում է Shamshyan.com—ը։

Վթարի հետևանքով, ըստ նախնական տեղեկությունների, բարեբախտաբար, տուժածներ չկան։

Վթարի փաստով ՊԾ Երևան քաղաքի գնդի 2-րդ գումարտակում փաստաթղթեր են ձևակերպվում։