2026 թվականի առաջին ինը ամիսների տվյալներով՝ Առողջապահության համընդհանուր ապահովագրության համակարգի շրջանակում 26 914 կենսաթոշակառու օգտվել է 1 միլիոն դրամ արժողությամբ ծառայություններից։ Այս մասին հոկտեմբերի 29-ին Կառավարության նիստում հայտարարեց վարչապետ Նիկոլ Փաշինյանը։

Նրա խոսքով՝ ավելի քան 62 հազար կենսաթոշակառու օգտվել է 500 հազար դրամ և ավելի արժողությամբ ծառայություններից։

Վարչապետը տեղեկացրեց, որ ընդհանուր առմամբ բոլոր խմբերով համապարփակ առողջապահական ապահովագրության համակարգի շրջանակում ավելի քան 97 հազար մարդ օգտվել է 500 հազար դրամ և ավելի արժողությամբ ծառայություններից։

«Առաջին ինը ամիսների ընթացքում համակարգի վրա ծախսել ենք 350 միլիոն դոլար, որպեսզի թոշակառուները կարողանան օգտվել բժշկական ծառայություններից»,- նշեց Փաշինյանը։