նախընտրելի դարձնելԻրքյան բանտում հայտնված ռուսաստանցի բայքերների ոդիսականն ավարտվում է: Մայիսի 28-ին ազատ արձակված բայքերները թռել են Թուրքիա, որտեղից կվերադառնան հայրենիք:
Ինչպես արդեն հայտնել էր NEWS.am-ը, ռուսաստանցի չորս բայքերներին ձերբակալել էին մայիսի 20-ին Բաղդադի մոտ:
Մոսկվացիներ Ալեքսանդր Վարդանյանցին, Մաքսիմ Իգնատեւին, տուլացի Օլեգ Մաքսիմովին ու պետերբուրգցի Օլեգ Կապլաեւին տեղափոխել էին բանտ, որտեղ նրանց մեղադրում էին լրտեսության մեջ եւ սպառնում մահապատժով:
«Հաճելի քիչ բան կար, սպառնալիքներ, ծեծ: Բայց ուզում եմ ասել, որ մենք հերոսներ չենք, այլ ապուշներ, որ սեփական հիմարության պատճառով հայտնվել էինք նման իրավիճակում»,- «Իզվեստիա»-ին ասել է Վարդանյանցը:
Ռուսաստանի ԱԳՆ-ն հայտնել է, որ ճանապարհորդներն իրենք են մեղավոր կատարվածի համար` հիշեցնելով, որ խորհուրդ չի տրվում Իրաք մեկնել:
