նախընտրելի դարձնելՄայիսի 28-ին, ժամը 19.00-ին, Կոմիտասի պողոտայի թիվ 61 շենքի մոտ իրար են բախվել «Նիսան Մաքսիմա» մակնիշի ավտոմեքենա եւ «Յամահա» մակնիշի մոտոցիկլետ:
Ոստիկանության լրատվության վարչությունից հայտնում են, թե մոտոցիկլետի վարորդը` 49-ամյա Գեւորգ Թումանյանը, տեղում մահացել է, իսկ նրա ուղեւորուհի` 35-ամյա Մարիաննա Խաչատրյանը տեղափոխվել է «Սուրբ Գրիգոր Լուսավորիչ» բժշկական կենտրոն, որտեղ նույն օրը, ժամը 22.40-ին, գիտակցության չգալով, մահացել է:
«Նիսան Մաքսիմա»-ի վարորդը եւ ուղեւորուհին մարմնական վնասվածքներով տեղափոխվել են հիվանդանոց:
Կատարվում է քննություն:
