նախընտրելի դարձնել
«Հայաստանի էլեկտրական ցանցեր» ՓԲԸ-ի վերցրած վարկերի տոկոսները ներառվո՞ւմ են էլեկտրաէներգիայի սակագնում, թե՞ ոչ։ Նման հարցով նոյեմբերի 6-ին՝ խորհրդարանական մշտական հանձնաժողովների համատեղ նիստում 2027 թվականի պետական բյուջեի նախագծի քննարկման ժամանակ, Հանրային ծառայությունները կարգավորող հանձնաժողովի նախագահ Մեսրոպ Մեսրոպյանին դիմել է ԱԺ ֆինանսավարկային և բյուջետային հարցերի մշտական հանձնաժողովի նախագահ, ընդդիմադիր «Ուժեղ Հայաստան» խմբակցության պատգամավոր Լիանա Մանուկյանը։
Մեսրոպյանի խոսքով՝ «Հայաստանի էլեկտրական ցանցեր» ՓԲԸ-ի վերցրած վարկերի տոկոսները, ընդհանուր առմամբ, սակագնում չեն ներառվում։
«Սակայն դրանք, ընդհանուր առմամբ, կարող են բացասաբար ազդել սակագնի վրա՝ կախված այն բանից, թե ինչ նպատակներով են ծախսվել այդ վարկային միջոցները, և արդյոք համապատասխան աշխատանքներն ավարտին են հասցվել։ Եթե, ենթադրենք, որևէ շրջանում ենթակառուցվածքները թարմացնելու անհրաժեշտություն չի եղել, բայց այդ նպատակով վարկային միջոցներ են ծախսվել, ապա այո՛, տվյալ դեպքում գործ ունենք սակագնի վրա ազդեցության հետ», - պարզաբանել է ՀԾԿՀ նախագահը։
Լիանա Մանուկյանն ի պատասխան հայտարարել է. «Կարող եմ միայն ենթադրել, որ ձեզ կեղծ և ապակողմնորոշող տեղեկություն են տրամադրում՝ արդարացնելու Սամվել Կարապետյանի կալանավորումը, որը կալանքի տակ է այն բանի համար, որ խոչընդոտում է այս երկրում Իլհամ Ալիևի գրած Սահմանադրության ընդունմանը»։
