Հայաստանի տարածքային կառավարման և ենթակառուցվածքների նախարարությանը հաջորդ տարի կհատկացվի 362 մլրդ դրամ։ Այս մասին նոյեմբերի 9-ին խորհրդարանական մշտական հանձնաժողովների համատեղ նիստում՝ 2027 թվականի պետական բյուջեի նախագծի քննարկման ժամանակ, հայտարարեց ֆինանսների նախարար Վահե Հովհաննիսյանը։

Նրա խոսքով՝ սա 37 մլրդ դրամով ավելի է, քան նախատեսված է 2026 թվականի պլանային ցուցանիշներով։

«Ընդ որում, գերատեսչության բյուջեով նախատեսված կապիտալ ծախսերը կկազմեն 165 մլրդ դրամ, ինչը 12 մլրդ 933 մլն դրամով գերազանցում է ընթացիկ տարվա ցուցանիշը», - ասաց նախարարը։