նախընտրելի դարձնել
Հաջորդ տարվա պետական բյուջեի նախագծով Դեմիրճյանի անվան Երևանի մետրոպոլիտենի «Աջափնյակ» կայարանի կառուցման համար նախատեսված է 2 մլրդ դրամ։ Այս մասին նոյեմբերի 9-ին խորհրդարանական մշտական հանձնաժողովների համատեղ նիստում՝ 2027 թվականի պետական բյուջեի նախագծի քննարկման ժամանակ, հայտարարեց ֆինանսների նախարար Վահե Հովհաննիսյանը։
Միաժամանակ, նրա խոսքով, եթե աշխատանքներն ընթանան նախատեսվածից ավելի արագ, իշխանությունները կավելացնեն ֆինանսավորման ծավալը։
«Կառավարությունը Երևանի քաղաքապետարանի հետ պայմանավորվածություն ունի, որ «Աջափնյակ» մետրոյի կայարանի շինարարական աշխատանքների ծավալների ավելացման կամ դրանց կատարման տեմպերի արագացման դեպքում լրացուցիչ միջոցներ կհատկացվեն», - ասաց նախարարը։
Բացի այդ, առանձին ծրագրերի շրջանակում նախատեսված է նաև վերանորոգման աշխատանքների, ինչպես նաև մետրոպոլիտենի ենթակառուցվածքների զարգացման ֆինանսավորում։
Հովհաննիսյանը հիշեցրեց, որ Երևանի մետրոպոլիտենը պետական ենթակառուցվածք է, որի կառավարումը հանձնված է մայրաքաղաքի քաղաքապետարանին։
«Կառավարությունը նաև սուբսիդավորում է ուղևորափոխադրումները», - հավելեց ֆինանսների նախարարը։
