նախընտրելի դարձնել
Վաշինգտոնում ավտոմեքենայի վարորդը ճանապարհային նշանին բախվելուց հետո ծեծկռտուքի է բռնվել ԱՄՆ Գաղտնի ծառայության և Ազգային գվարդիայի աշխատակիցների հետ։ Միջադեպը տեղի է ունեցել Լաֆայետ հրապարակի մոտ, նոյեմբերի 9-ին հայտնել է լրագրող Մարտին Աուստերմյուլեն։
«Ինչ-որ մեկը հենց նոր մեքենայով բախվեց Լաֆայետ-սքվեր զբոսայգու հյուսիսային հատվածում գտնվող նշանին, ապա, դուրս գալով մեքենայից, ծեծկռտուքի բռնվեց Գաղտնի ծառայության և Ազգային գվարդիայի աշխատակիցների հետ», — ասված է X սոցիալական ցանցում լրագրողի հաղորդագրության մեջ։
Իրավախախտին ձերբակալել են։ Միջադեպից հետո Սպիտակ տան տարածքի մի մասի մուտքը ժամանակավորապես սահմանափակվել է։ Լրատվամիջոցների տվյալներով՝ միջադեպի պահին ԱՄՆ նախագահ Դոնալդ Թրամփը գտնվել է Սպիտակ տան շենքում։
