Իրանի կողմից առաջացած սպառնալիքի ֆոնին ամերիկացի զինվորականները Մեծ Բրիտանիայում գտնվող Թագավորական ռազմաօդային ուժերի Միլդենհոլ ավիաբազայից ինքնաթիռները տեղափոխել են այլ վայրեր։ Այս մասին հայտնում է The Wall Street Journal-ը (WSJ)՝ վկայակոչելով իր աղբյուրներին։

Պարբերականի տվյալներով՝ Միլդենհոլ ավիաբազայում տեղակայված ամերիկյան երկու լիցքավորող ինքնաթիռ առավոտյան ուղարկվել է Գերմանիա։ Ավելի ուշ նույն ավիաբազայից ևս մի քանի լիցքավորող ինքնաթիռ է տեղափոխվել Գերմանիա և այլ վայրեր։

Ամերիկացի պաշտոնյաները դեռևս քննարկում են Միլդենհոլ ավիաբազային սպառնացող վտանգի հստակ բնույթը։

Որոշումն ընդունվել է Թագավորական ռազմաօդային ուժերի Ֆերֆորդ ավիաբազայում Իրանի հետ կապված ենթադրյալ միջադեպից մի քանի շաբաթ անց։ Այդ միջադեպից հետո ամերիկյան ռմբակոծիչները դուրս էին բերվել այնտեղից։