նախընտրելի դարձնել
Իրաքի Մայսան նահանգի «Ազ-Զահրա» նախապատրաստական դպրոցի 61 աշակերտուհի շնչահեղձության նշաններով տեղափոխվել է հիվանդանոց։ Այս մասին հայտնել է INA գործակալությունը։
Գործակալության տեղեկություններով՝ աշակերտուհիները տեղափոխվել են տեղի բուժհաստատություն՝ անհրաժեշտ բուժօգնություն ստանալու համար։ Միջադեպը տեղի է ունեցել նույն դպրոցում, որտեղից ուղիղ մեկ շաբաթ առաջ քլորի արտահոսքից հետո թունավորման կասկածով հիվանդանոց էր տեղափոխվել 59 մարդ։
Բժիշկների խոսքով՝ տուժածների վիճակը գնահատվում է թեթև կամ միջին ծանրության։ Իրավասու մարմինները հետաքննում են դպրոցում տեղի ունեցած միջադեպի պատճառները։ Տեղական իշխանությունները կարգադրել են հատուկ հանձնաժողով ստեղծել և պարզել քլորի արտահոսքի պատճառները։ Արտահոսքի աղբյուրը գտնվում է մոտակա օբյեկտներից մեկում։
