նախընտրելի դարձնել
Գերմանիայի կանցլեր Ֆրիդրիխ Մերցի և Ռուսաստանի նախագահ Վլադիմիր Պուտինի բանակցությունները կարող են ավելի հավանական դառնալ Աբու Դաբիում խորհրդակցություններից հետո։ Դրա մասին Բեռլինում անցկացված մամուլի ասուլիսում հայտարարել է Գերմանիայի կառավարության պաշտոնական ներկայացուցիչ Շտեֆան Կոռնելիուսը, գրում է DW-ն։
Պատասխանելով Պուտինի հետ բանակցություններ վարելու՝ Մերցի պատրաստակամության մասին հարցին՝ Կոռնելիուսը հայտնել է, որ Աբու Դաբիում հանդիպումների ընթացքում Եվրոպայի, ԱՄՆ-ի և Ուկրաինայի ներկայացուցիչները, առանց Ռուսաստանի մասնակցության, «փոխըմբռնման են հասել հնարավոր պայմանավորվածությունների ընդհանուր ուրվագծերի շուրջ»։
«Այժմ այդ փոխըմբռնման մասին կտեղեկացվի Ռուսաստանի նախագահը։ Եվ այդ հիմքի վրա կարող են բանակցություններ տեղի ունենալ»,- հայտարարել է Գերմանիայի կառավարության ներկայացուցիչը։
Ինքը՝ Մերցը, անցած ուրբաթ հայտարարել է, որ չի բացառում Պուտինի հետ հանդիպումը, եթե Ռուսաստանի առաջնորդը ժամանի G20-ի գագաթնաժողովին, որը դեկտեմբերին կանցկացվի Մայամիում։ Նման այցի հնարավորությունն ավելի վաղ քննարկվել էր լրատվամիջոցներում։
