նախընտրելի դարձնելՔիշնեւում մայիսի 30-ից մինչեւ հունիսի 1-ը կանցկացվի ԱՊՀ պետությունների Անվտանգության մարմինների եւ հատուկ ծառայությունների խորհրդի XXXII նստաշրջանը, որի ընթացքում կքննարկվեն ահաբեկչության եւ կազմակերպված հանցավորության դեմ պայքարի ոլորտում համագործակցության հարցեր:
Որպես դիտորդ հրավիրված են Գերմանիայի, Իտալիայի եւ Ֆրանսիայի հատուկ ծառայությունների ներկայացուցիչներ, հաղորդում ` rbc-ն` վկայակոչելով Մոլդովայի տեղեկատվության եւ անվտանգության ծառայությունը:
Մասնավորապես կքննարկվեն միջազգային ահաբեկչության, կիբերահաբեկչության, կազմակերպված հանցավորության, ինչպես նաեւ Համագործակցությանը եւ մայրցամաքի ընդհանուր անվտանգությանը սպառնացող այլ բացասական դրսեւորումների դեմ պայքարի ոլորտում ԱՊՀ հատուկ ծառայությունների հետագա hամագործակցության զարգացման հարցեր:
Նաեւ նախատեսվում է մշակել միջոցառումների ծրագիր` ուղղված ահաբեկչական եւ ծայրահեղական գործունեության մասնակից անձանց որոնման ու ճանաչման գործում փոխգործակցության կատարելագործմանը:
