Վենեսուելայի նախագահ Ուգո Չավեսը հերթական սենսացիոն հայտարարությունն է արել` ամերիկյան գործընկեր Բարաք Օբամային դաշինք առաջարկելով:

Բոլիվարյան հեղափոխության` քաղցկեղից ապաքինված առաջնորդն ամերիկյան նախագահին համագործակցություն է առաջարկել  սպորտի բնագավառում. Նա Օբամային կոչ է արել պայքարել բեյսբոլը եւ սոֆթբոլը Օլիմպիական խաղերի ծրագիր վերադարձնելու համար, գրում է «Ռոսիյսկայա գազետան»:

Այդ սպորտաձեւերի մեծ երկրպագուն ափսոսանք է հայտնել, որ երկու  տեսակն էլ Լոնդոնում չեն ներկայացվի: Ապագա դաշինքում Չավեսն առաջարկել է ընդգրկել նաեւ Ֆիդել եւ Ռաուլ Կաստրոներին, որոնք եւս հայտնի են ԱՄՆ-ի նկատմամբ իրենց  «նվիրվածությամբ»: