Սև ծովում՝ Բուլղարիայի բացառիկ տնտեսական գոտում, խորտակվել է GAS HUSKY գազատար նավը։ Ընթանում է անձնակազմի փրկության գործողությունը։ Այս մասին հայտնել է maritime.bg մասնագիտացված պորտալը։

Պորտալի տվյալներով՝ նավն անցած գիշեր անհետացել է ռադարներից, իսկ ժամը 08:02-ին վթարային ռադիոփարոսից ազդանշան է ստացվել։ Ժամը 10:25-ին հետախուզման նպատակով օդ է բարձրացել Բուլղարիայի ռազմաօդային ուժերի Սու-25 ինքնաթիռը, որն ափից մոտ 50 մղոն հեռավորության վրա հայտնաբերել է մարդկանցով փրկալաստը։ Դեպքի վայր են ուղարկվել ուղղաթիռներ։ Փրկարարական գործողությունը շարունակվում է։