նախընտրելի դարձնելՆոր Ազգային ժողովում ՀՀԿ խմբակցությունը կրկին կղեկավարի կուսակցության փոխնախագահ Գալուստ Սահակյանը: Նրա թեկնածությունն այսօր` մայիսի 30-ին, ՀՀԿ գործադիր մարմնի նիստում առաջարկել է ՀՀԿ առաջնորդ, երկրի նախագահ Սերժ Սարգսյանը: Առաջարկն ընդունվել է միաձայն:
ՀՀԿ գործադիր մարմնին նիստում որոշվել են նաեւ ԱԺ հանձնաժողովների նախագահների թեկնածությունները:
Ըստ այդմ, ԱԺ պետաիրավական հարցերի մշտական հանձնաժողովը կգլխավորի Դավիթ Հարությունյանը,
Տնտեսական հարցերի հանձնաժողովը`Վարդան Այվազյանը,
Ֆինանսավարկային եւ բյուջետային հարցերի հանձնաժողովը` Գագիկ Մինասյանը,
Սոցիալական հարցերի հանձնաժողովը` Հակոբ Հակոբյանը
Առողջապահության, մայրության եւ մանկության հանձնաժողովը` Արա Բաբլոյանը,
Գիտության, կրթության, մշակույթի, երիտասարդության եւ սպորտի հանձնաժողովը` Արտակ Դավթյանը,
Արտաքին հարաբերությունների հանձնաժողովը` Արտակ Զաքարյանը,
Պաշտպանության, ազգային անվտանգության եւ ներքին գործերի հանձնաժողովը` Կորյուն Նահապետյանը:
