նախընտրելի դարձնելՍփանջ Բոբ կոչվող կատուն, որը կշռում է 13,6 կգ եւ բնակվում է Նյու Յորքի կենդանիների կացարանում, սկսել է դիետա պահել:
Ինչպես հաղորդում է բրիտանական «The Daily Telegraph»-ը, 9-ամյա Բոբը հիմա հետեւում է հատուկ ֆիտնես ռեժիմի: Կացարանի աշխատակիցները նրա համար հատուկ վարժություններ են մտածել, որոնք կօգնեն, որպեսզի Բոբն ազատվի ավելորդ քաշից: Որոշակի արդյունք արդեն կա. երկու ամսվա ընթացքում նա արդեն նիհարել է 1,36 կգ-ով:
Հնարավոր է, որ Սփանջ Բոբը ներկայումս աշխարհի ամենագեր կատուն է` Նյու Մեքսիկոյում բնակվող եւ 17,69 կգ կշռող Մյաու կատվի մահվանից հետո:
Կենդանիների կացարանի փոխտնօրեն Կենդրա Մարան նշել է, որ այդ քաշը նորմալ չէ կատուների համար: «Կատարվել են անալիզներ, պարզվել է , որ նա հիվանդություններ չունի, նշանակում է պատճառը սնունդն է»:
Կացարանի աշխատակիցները հուսով են, որ նա ամսական կնիհարի 0,5-ից մինչեւ մեկ կգ, եւ ութ ամսից նորմալ չափերի կհասնի:
